Hopman Cup-ah Poland an champion
Inrinni zana Poland-in Hopman Cup an chawi ṭumin world number one Serena Williams chuan a chair a vaw chhia a, chair umpire chu dawheh tihin a au khum bawk.
Agnieszka Radwanska-i'n inelna lian tham vawi 18 champion tawh leh chak zawk tura rinkai Serena Williams a hneh. Perth Arena a inkhel entu 10,867 hmaah Radwanska hian 6-4, 6-7 (7-3), 6-1 in hnehna an chang a, Poland-in 1-0 in hma an hruai.
US beiseina siam turin John Isner chuan Jerzy Janowicz chu 7-6 (12-10), 6-4 in a hneh a, mixed doubles hmangin chak zawk tur zawn a ni a.
Mixed doubles-ah erawh sawisel turin awm loin Poland an chak. Janowicz leh Radwanska te'n US tana Isner leh Williams te inkawp chu 7-5, 6-3 in an hneh a. Poland-in US 2-1 a hnehin an champion.
Serena William chuan, "John ka lawm tak tak a ni. Final-ah beisei thar min siam leh mah la, ka pui thei ta lo che a ni," tiin an chak loh chu a thiam loh a nih thu a sawi.
Radwanska chuan, "Nikum khan mixed doubles vangin he champion nomawi hi kan chan tawh a, kuminah chuan champion ka duh takzet tawh. Title hlu tak kan lak theih avangin ka lawm hle a ni," a ti.