Qatar Open champion David Ferrer

Inrinni khan Doha-ah Qatar Open final khelh a ni a, David Ferrer chuan Tomas Berdych 6-4, 7-5 a hnehin a champion.

Seeded palina Ferrer tan he chawimawina hi ATP Tour-a ṭum 22 a champion-na a ni a, kum 2010 aṭang khan kum tinin vawi khat tal a la champion ziah.

Kum 32-a upa Ferrer chuan, "Season bul ṭan nana champion hi a awlsam lo a, ka vannei tel bawk a ni," tiin a sawi. Spanish tennis player hian semifinal-ah Ivo Karlovic hnehin final a thleng hram.

Pahnihna kum 29-a upa Berdych chuan, "Final-ah ka khel ṭha tawk lo a, chutichung chuan season kan ṭan danah hian ka lawm hle," a ti.

Ferrer hian Qatar Open a champion hnu aṭanga rei loteah Heineken Open-a a tel theih loh tur thu a sawi a, hei hian organiser-te a hrilh hai hle.

Aukland-a tennis inelnaah hian Ferrer hi ṭum li a champion tawh a, tournament director Karl Budge chuan, "David a chhuanlam hi rinhleh tur a awm lo. Kum 10 chhung kan inelnaah hian a theihna zawng zawng a chhuah tawh a, tun bak hi a la inhnukdawk ngai lo. A tel lo tur hi inkhel entu lamah chuan kan tuar dawn a, amaherawhchu David hi ka fak duh a ni. Inhliam mah se inelna tir lar kawngah chuan min pui zel dawn," tiin a sawi.