Oil India Mission Veng Open mipa-ah Samuel Lalnunmawia a champion

Mizoram Badminton inelna a cash prize tamna ber Oil India Mission Veng Open 2015 chu Inrinni khan khelh zawh a ni. Inelna hi January 6-10 chhunga khelh a ni a, lawmmanah Rs.2,00,000 sem ral a ni.

Mipa-ah Samuel Lalnunmawia a thiam ber a, final-ah Zarzokima hnehin a champion. Samuel hi mipa doubles-ah a kawppui Lalmuanawma nen an champion bawk.

Inrinni zan khan Hotel Esquire, Sikulpuikawnah Champions Dinner neih a ni.