Inter-ah Xherdan Shaqiri

Bayern Munich winger Xherdan Shaqiri chuan Inter Milan a zawm ta a, a man puanzar a ni lo.

Kum 23 mi Swit­zerland international hi tun hnaiah Bayern lamah a khel phak meuh lo a, chhuah a duh avangin lei duhtu an awm nual a, chung zingah chuan Stoke City pawh an tel. World Cup-a Honduras lama hattrick siamtu hian club dang sawmnate hnarin Roberto Mancini hnuaia khel turin Inter Milan hi a pan ta a ni.

Shaqiri hian kum 2012 khan Basel chhuahsanin German club lian hi a zawm a, Bundesliga-a vawi hnih an champion bakah Champions League-ah an champion bawk a; nimahsela Bayern player rinrawl a ni phak ngai lo. A kum a tam ve ṭan a, khelh phakna club a zawng a, Inter a pan ta.

Inter-ah hian tun hnai khan Germany forward Lukas Podolski a lut bawk a, Arsenal aṭangin loan-in an hawh a ni.

Shaqiri hi World Cup zawh hlim khan Liverpool leh Arsenal pawhin lei an tum tih thuthang a awm hman a ni.