Charity volleyball match

Tualchung volleyball khel thiamte chu Mizorama leimin vanga chhiat tawkte tan an rawn pen chhuak dawn. Mizoram Volleyball Lovers (MVL) buatsaihin July 13, Inrinni zan hian R. Dengṭhuama Indoor Stadium, Mualpuiah Volleyball Charity Match an khel ang.

Ticket hi Rs 50 man a ni a, dawr hrang hrang RAW Digital Zarkawt, VL Ralte Store Treasury Bus stand, PISGAH Automobile, Bawngkawn Lunglei Road, Unique Creation Salon & spa Kulikawn-ah te lei theih a ni, a hmunah lei tur a awm bawk ang.

Tlai dar 5:00-ah gate hawn a ni ang a, fiamthu thiam, youtuber te leh milar ten volleyball match an khel zui ang. Dar 6:00-ah concert neih tur niin, chumi hnuah Mizoram Olympic Volleyball Champion Team leh All Star inkhelin a zui dawn a ni.

North East Olympics Games-a Champion Team te leh All Stars Team te an inkhel ang.