MPL 3 Under -17 khelh ṭan a ni ta Mizoram Police rawltharte an chak

Mizoram Premier League Under 17 inkhel chu nimin khan Lammualah ṭan a ni ta a, inkhel hmasa berah Mizoram Police FC chuan an khingpui Chanmari West FC chu 3-0 in an hneh.

Police rawltharte hi 1st MAP Football Academy-a awmte an ni fur a, inkhel an thunun a, an game pawh a puitling zawkin an khelho ṭhang tih a hmuh theih. Minute 27-naah Laldawngliana'n goal hmahruai a thun a, Saidingliana'n minute 36-ah a thun belh.

Hun tawp dawn minute hnih chiah awm tawhah Lalhriatpuia'n goal thumna a thun a; Police player hlui Laltuakliana enkawl team hian point thum hlu tak an hmu.

Vawiin lamah inkhel pahnih a awm dawn a, dar 11:00-ah Dinthar FC leh Reitlang FC-te an Aizawl FC leh Bethlehem Vengthlang FC-te an inkhel ang. Dinthar FC hi season hmasa finalist an ni a, Retlang FC hi Under 17 team dina nikum lama ngawrh taka inbuatsaihte an ni. Chawhnu lama Aizawl FC leh Bethlehem vengthlang FC inkhel turah hian player beiseiawm tak tak hmuh tur an awm ang.