Chennai Open champion Wawrinka

Australian Open champion lai Stan Wawrinka chuan Chennai Open-ah Aljaz Bedene hnehin a champion.

Swiss tennis star hian a zawnin Chennai Open a champion a, ṭum thum a champion-na a ni bawk. Champion turin inelna chhung zawngin Wawrinka hian set khat mah a hloh lo. Final-a Slovenian tennis player Bedene hneh tur hian dar khat leh minute 10 chiah a mamawh.

World ranking-a palina ni mek Wawrinka chuan, "Australian Open ka thlir a, Grand Slamd-a champion lai anga kir chu a mak dawn khawp mai. Chennai Open nomawi ka lak theih avangin ka lawm a, inelna hmachhawn leh tur vanga hlauhthawng hman ka ni rih lo," tiin a sawi.

Final-a inhmachhawn pahnih hi Chennai Open-a ṭum thum an inelna a ni a, an inhmachhawn zawng zawngah Wawrinka a chak vek.