Vardy a chhuak lo ang - Wenger

Arsenal manager Arsene Wenger chuan Jamie Vardy-a'n Premier League champion Leicester City a chhuahsan a rin loh thu a sawi.

North London club Gunners hian England international Vardy hi an lalut hman dawna a lan laiin Foxes striker hi Euro 2016 khel turin France-ah a kal rih ta zawk a, a hmalam hun an inrinsiak nasa hle.

Chinese television hmaah Wenger chuan, "Jamie Vardy hi Leicester player a ni a, a cham chhunzawm ngei pawh ka ring," tiin a sawi.

England-in Wales 2-1 a an hneh
ṭuma goal khat khungtu Vardy hian club thar lam ai chuan Euro 2016 atan a rilru a pek rih zawk thu a lo sawi ve bawk.