Mumbai City-ah Anwar Ali

Indian Super League season hnih khelh tawha Delhi Dynamos tana khel defender Anwar Ali chuan Mumbai City tana khel turin contract a ziak. Kum 31-a upa defender hian season hman zawh takah khan I League club Mumbai FC tan a khel a, player pawimawh pawl a ni.

Mumbai City hian Anwar Ali hma hian Sunil Chhetri, Udanta Singh, Amrinder Singh, Pronay Halder, Aiborlang Khongjee, Albino Gomes, Jackichand Singh, Boithang Haokip leh Ashutosh Mehta te chu Indian player zingah an la lut tawh a, Mizo player zingah Bengaluru defender Lalchhuanmawia Fanai, Aizawl FC captain David Lalrinmuana leh DSK Shivajians defender hlui Lalhmangaihsanga Ralte te an la lut tawh.