Pune-ah La Masia chhuak midfielder

Indian Super League club Pune City chuan Barcelona player hlui Josep María Comadevall Crous (Pitu) an la lut a, kum 32-a upa midfielder hi Barcelona youth academy hmingthang La Masia chhuak niin Barca C, B leh senior team tan a khel tawh.

Pitu hian Barcelona-ah hmun a chan phak loh avangin Spanish division hniam lamah Girona, Las Palmas, Gava, Badalona leh Hospitalet-ah a khel kual a, season hman zawh takah khan Spanish second division club Llagostera tan a khel.

Orange Army (Pune City sawina) hian season thar atan Apoula Edel, Bruno Arias, Narayan Das, Sanju Pradhan, Vishal Kaith, Arata Izumi, Francis Fernandes leh Rahul Bheke an la lut tawh a, central midfield-a khel turin Lenny Rodrigues, Eugeneson Lyngdoh leh Arata Izumi te nei tawhin Atletico de Kolkata manager hlui Antonio Lopez Habas an la lut tawh bawk a, season thar ISL-ah team hlauhawm pawl an ni ngei dawnin a lang.