Pearson-a'n ATK a zawm dawn

Indian Super League season hmasa bera Kerala Blasters tana lo khel tawh Stephen Pearson chuan Atletico de Kolkata a zawm dawn. Kum 33-a upa midfielder hi ISL season 1-a semifinal-a Chennaiyin FC lama injury time-a a goal khung avangin hriat a hlawh hle.

Kerala Blasters-a chhuahsan hnuah Motherwell a zawm a, Scottish Premiership club tan hian season hnih chhung a khel leh hman a ni. Scotland tana vawi 10 inlan tawh midfielder hian Scottish club lian Celtic tan pawh season li chhung a khel tawh a, Derby County tan Premier League-ah a lo inlan tawh bawk.

Atletico de Kolkata hian Botswana inter-national Ofentse Nato, South Africa U23 international hlui Sameehg Doutie, Canada international Iain Hume, Atletico Madrid B defender hlui Tiri-te an la lut tawh a, an chhe lo.