Kerala Blasters leh City boss hlui an inbia

Sachin Tendulkar-a club Kerala Blasters chuan season thar aṭanga an coach turin Manchester City boss hlui Steve Coppell inbiakna an neihpui mek a, kum 60-a upa manager hian Kerala hi a pan ngei rin a ni.

Manchester United winger hlui hian inkhelh a chawlhsan hnuah Crystal Palace, Manchester City, Brentford, Brighton & Hove Albion, Reading leh Bristol City-te enkawlin coaching-ah kum 30 chuang zet tawnhriat a lo nei tawh a, coaching lamah a mikhual lo hle.

England tan vawi 42 a inlana goal sarih khung thei winger hian kum 2014 hnuah erawh club enkawl a nei tawh lo a, a club enkawl hnuhnung ber hi Portsmouth niin director of football hna a chelh.

Kerala Blasters hian Levante manager hlui Juan Ignacio Martinez an la lut dawn emaw tih hnuah an inbiakna a tlawlh a, ISL season hmasa bera an player-manager David James dawr leh mah se Liverpool keeper hlui hian India rama kir a tum loh avangin Coppell hi an dawr ta a ni.