Rosicky tan Euro 2016 a tawp

Czech Republic captain Tomas Rosicky chu malpui hliam vangin European Championship-ah a inlan thei dawn tawh lo. Kum 35-a upa midfielder hi Croatia nen 2-2 a an inhnehtawk ṭumin a inhliam.

Czech doctor Petr Krejci sawi danin Rosicky hi kar thum aṭanga kar ruk chhung a chawlh a ngai ang.

Czech captain Rosicky chuan, "Point thum hmuh tumin ka theihna zawng zawng ka chhuah a, vanduai thlak takin ka tawrh phah ta a ni," tiiin a sawi.

Rosicky hi hliam vangin season liam ta khan Arsenal tan vawi khat chiah a inlan a, Gunners hian a contract neih lai an pawhsei loh avangin club nei loin a awm mek.