Cordoba-in relegation zone an chhuahsan

Thawhṭanni zan khan La Liga inkhel pakhat a awm a, Rayo Vallecano defender Abdoulaye Ba-a'n an lama a tih goal zarah Cordoba 1-0 in an chak.

Estadio del Rayo Vallecano-ah mual neituin first half an thunun a, Alberto Bueno goal chu offside vangin pawm a ni lo. Amaherawhchu, minute 39-naah vei lam aṭanga Cordoba winger Florin Andone cross chu Florin centre back Ba-a'n an lamah a tilut palh a, 1-0 a ni. Rayo hian an siphurh sut tumin an nawr chhunzawm a, goal an khung theih loh vangin Cordoba-in point thum an hlawhchhuak.

Rayo hian league match pangaah vawi li an chak lo a, table-ah 11-naah an awm. Cordoba erawh an chak zarah relegation zone chhuahsanin 15-naah an inhlangkai thung.