A hniam berah palina - Rojo

Argentine defender Marcos Rojo chuan a chhe berah Manchester United chu palina tala awmpui a tum thu a sawi.

Rojo chuan, "A hniam berah United hi pali tal nih pui ka duh, Champions League kan khelh phak ngei ngei a ṭul. Manchester United hi European Cup leh Premier League nomawi chawi pui ngei ka duh a ni. Season tawp thlengin ka theihna zawng zawng nen ka khel ang," tiin a sawi.

Tlar hnung lama Argentine defender khelh pui Phil Jones pawhin manager Louis van Gaal chhanin tlar hnunga pathuma awm chu nuam a tih a thu a sawi.

Jones chuan, "Defen­der pathum hman hi har­satna kan nei lo a, chutiang bawkin palia khelh a ṭul pawhin harsatna kan nei lo. Team angin hma kan sawn zel a, kan tih theih chu nasa leh zuala training neih a ni," tiin a sawi.

United hian Dutch manager hnuaiah defen­der pathumin an khel fo a, result ṭha a awm theih loh avangin supporter-te leh pundit-te chuan an khelh dan hmang hi an sawisel nasa tawh hle.