Toronto-in Altidore an duh

Major League Soccer club Toronto FC chuan Sunderland striker Jozy Altidore an duh thu mipui hriatah an puanzar.

Altidore hian Sun­derland tana a khelh hma hian Hull City tan a lo khel tawh a, Premier League-ah hian goal a khung thei lo hle a, club pahnih tan hian goal khat ve ve chauh a la khung. Sunderland manager Gus Poyet chuan Toronto forward Jermain Defoe nena inthleng a duh niin an sawi bawk.

Toronto coach Greg Vanney chuan, "Player ṭha bikin rawn kir a duh chuan engtik lai pawhin kan inhawng. MLS-a hlawhtling tawh player kan duh thu hi zep ṭul pawh kan ti lo. A tawp kan thlen dan tur hi la chiang lo mah se bawhzui theih a awm chuan kan chance neih kan hlah lo ang," tiin a sawi.

Kum 25-a upa Altidore hian New Your Red Bulls tan match 37-ah goal 15 a khung a, ram tan vawi 76 khel tawhin goal 25 a khung tawh bawk a ni.