Pogba hian a hun takah Juve a chhuahsan ang - Agent

French midfielder Paul Pogba-a'n Manchester United a chhuahsan hnuah hma a sawn zel a, transfer-a hming langsar ber a ni.

Kum 21-a upa Pogba agent Mino Raiola chuan Juventus midfielder hian a hun takah a khelh mekna club hi a chhuahsan tur thu a sawi.

October thla khan Pogba hian tuna a khelh mekna Juventus-ah contract a pawtsei a, Serie A club tan hian kum 2019 daih contract a nei mek.

Raiola chuan, "Italy-a a awm rei chhung chu Juventus kutah a innghat. Tunah hian a contract a pawtsei tawh a, kan hlim hle. Amaherawhchu, hun remchang a awm chuan kan hlah lo ang. Pogba hian talent a nei ṭha a, beisei aia hmain Italy-ah a thiamna a phochhuak a, a hma lam hun hi uluk taka kan thlir a ṭul," tiin a sawi.

Pogba hian kum 2012 khan Manchester United a chhuahsan a, hemi hnu hian FIFA U-20 World Cup-ah France champion puiin Golden Ball award a dawng. FIFA World Cup 2014-ah best young player a thlan a ni bawk.