Bale-a tan Ronaldo a ṭawngchhuak

Ballon d'Or dawngtu Cristiano Ronaldo chuan tun aia nasaa Real Madrid supporter-te'n Gareth Bale ṭan turin a ngen.

La Liga inkhela Real Madrid-in Espanyol 3-0 a an hneh ṭumin Bale hian changtu nei lo Ronaldo pass aiah goal khung a tum a, a pet goal loh avangin mipuiin an au el hial a ni.

Ronaldo chuan, "Madrid fan-te hian mize nghet an nei a, an rilru tak an tilang ṭhin. Nun lem an chang ve ngai lo. Chuvangin, Gareth chunga thil thleng pawh kha thil thleng pangngai a ni. Mipuiin Gareth pawimawhzia hi an hria, chutihrualin football-ah chuan a chetsual theih a, keipawh ka chesual fo. Chuvangin, a chungah mipui an ṭhat ka ring a, ṭha ngei tur pawhin ka duh," tiin a sawi.