Crystal Palace-ah Yaya Sanogo

Season khelh hmabak khel turin Arsenal forward Yaya Sanogo chuan Crystal Palace loan-in a zawm.

Kum 21-a upa French forward hi tun season-ah Arsenal tan vawi ruk a inlan a, Champions League-a Borussia Dortmund an hneh ṭumin competitive match-a a goal hmasa ber a khung.

Season liam ta khan Gunners-in FA Cup an champion a, Sanogo hian champion kalkawngah ṭum li a inlan a. Season tluanin Arsenal tan vawi 14 a inlan bawk.

France-in Fifa Under-20 World Cup 2013 an champion-na kawngah player pawimawh tak a ni a, he inelnaah hian France top scorer a ni.

Palace-ah hian Arsenal player hlui Marouane Chamakh, Dwight Gayle leh Fraizer Campbell te an awm sa avangin Sanogo tan awlsam taka hmun chan theih a ni lo ang.