Stoke City-a cham duh Peter Crouch

Peter Crouch chuan Stoke City tana contract pawhsei a duh. English forward pasang contract hi tun season tawp rual hian a tawp dawn a, Stoke City-a amah lo enkawl tawhtu Tony Pulis chuan West Brom-ah lak luh a duh niin thuthang a awm bawk.

Pulis hian August 2011 khan Tottenham aṭangin Crouch hi Stoke-ah a la lut. Crouch chuan, "Hma lam hun a sawi lawk theih lo a, ka duh dan chu nise Stoke-a khelh zel hi ka duh a ni. Tun season tawp rual hian ka contract a tawp dawn a, coach rinna nei thei turin rim zawkin ka thawk ang. Tun season-ah kan khel ṭha a, table chanve chunglama kan awm ngei ka ring," a ti.

Stoke City hian vawi 21 khelh zawhah point 26 hmuin table-ah 11-naah an awm mek.