Neuer a vanduai - Klinsmann

United States coach Jurgen Klinsmann chuan Ballon d'Or dawng pha ta lo Manuel Neuer chu vanduai a tih thu a sawi chhuak.

Germany international keeper hian Real Madrid Madrid forward Cristiano Ronaldo leh Barcelona forward Lionel Messi te tluk pha loin pathumna a ni.

US manager Klinsmann chuan, "Germany-in World Cup an champion a, Joachim Low-a'n coach of the year chawimawina a dawng kha a mak lo. Hna ṭha tak a thawk a, a phu hrim hrimah ka ngai," tiin a sawi.

Germany boss hlui chuan sawi chhunzawmin, "Neuer hian kum 2014 chhunga midang aia a khelh ṭhat avangin chawimawina dawn hi a phu hlein ka hria. Phu ka tih vang tak hian kei pawhin ka vote a ni. Amaherawhchu football career-a nomawi ropui ber a chawi a, lungngai tur erawh a ni lo. Cristiano Ronaldo leh Lionel Messi te hi world class player an ni a, chawimawina hi team hlawhtlinna aia player ṭha hnena hlan tur a nih chuan a awm lo chuang lo. Anni pawh duhsakna ka hlan e," tiin a sawi.