Milan an chak ve ta

Thawhlehni zan khan Coppa Italia-ah AC Milan-in hun tawp dawna Nigel de Jong-a goal hmangin Sassuolo 2-1 in an hneh a, quarterfinal an lut.

San Siro-ah inkhel entu 8,393 chiah an kal khawm. Mualneitu Milan-in Giampaolo Pazzini hmangin minute 38-naah hma an hruai a, hei hi April 2014 hnua Pazzini goal hmasa ber a ni.

First half injury time-ah Sassuolo defender Sime Vrsaljko-a'n a tauh lut a, offside vangin pawm a ni lo. Second half-ah Sassuolo-in an siphurh an sut a, minute 64-naah Pavoletti penalty hlawhchhuah chu Nicola Sansone-a'n penalty aṭangin a khung a, 1-1 a ni.

Hun tawpah Milan an ding chang a, Daniele Bonera pass chu Andrea Poli-a'n crossbar a volley per mah se a let leh lam chu Dutch midfielder De Jong-a'n goal-ah a chantir. Chakna goal hi minute 86-naa lut a ni a, Sassuolo an tho leh tawh lo.

Kum 2015-a Milan chakna hmasa ber inkhelah hian player thar Alessio Cerci chuan starting eleven a chang a, Italian winger hian goal khat a siam bakah crossbar a pet per bawk.

Milan hian February thla hian quartertinal-ah Lazio leh Torino chak zawk zawk an hmachhawn ang.

Zanin hian Coppa Italia round of 16 inkhel dangah Juventus leh Hellas Verona te zan dar 1:30-ah an inkhel ang.