Semifinal-ah PSG leh Bastia

Thawhlehni zan khan Paris-Saint Germain leh Bastia te'n Coupe de la Ligue quarterfinal-ah an khingpui Saint-Etienne leh Rennes te hnehin semifinal an lut.

Kartawp khan Ligue 1-ah PSG hi Bastia lakah an mualpho a, 2-0 a hma an hruai hnuah 4-2 in an tlawm. Stade Geoffroy-Guichard-ah PSG-in goal an chhuah tawh lo a, hun tawp hma minute 18-naa Zlatan Ibrahimovic goal hmangin hnehna an chang.

PSG coach Laurent Blanc huan, "Saint-Etienne hneh thei turin kan ṭha tawk hrim hrim. Bastia kan khelh zawha media lama min sawi ang kha kan ni lo, kan team hian champion thei tur player kan nei. Kan inkhelah hmasawnna ka hmu a, a hma aiin inrintawkna pawh kan ngah leh tawh" tiin a sawi.

Tun hnaia che ṭha tak Bastia an che ṭha zel a, Stade Armand Cesari-ah Rennes 3-1 in an hneh. Sylvain Armand goal hmangin mikhual team Rennes-in hma hruai mah se Sebastien Squillaci, Romain Danze own goal leh Djibril Cisse te goal hmangin Bastia-in an chhang let a, 3-1 in an chak.