Tennis Round Up

2015 Heineken Open-ah Michael Venus-a'n world no. 109 Alejandro Gonzalez chu 5-7 6-3 7-6(9-7) hnehin tourna­ment record thar a siam. Venus hi kum 10 hnua New Zealander zinga ramdang player hneh leh thei hmasa ber a ni.

Heineken Open hi January 12 aṭanga ṭan kha niin January 17 thleng a awh ang.

Tommy Robredo, world no 17 chuan inhliam vangin 2015 Heineken Open aṭangin a inhnukdawk. Spanish tennis star Robredo hian ṭum sarih lai Grand Slam singles-ah quarter-final a lo thleng tawh a, US Open doubles-ah pawh vawi thum zet semi-final thleng thei a ni. 2015 Heineken Open inpuahchahna training a neih naah Robredo hian tha na a nei a, hei hi a inhnuhdawh chhan chu a ni.

2015 Apia International Sydney pawh January 12 khan ṭan a ni a. Nikum February aṭanga inhliam Argentine star Del Petro chu a dam hnuah inlanin Ukranian Sergiy Stakhovsky chu 6-3 7-6(4) in a hneh nghal. Inhliam avanga hun rei tak khel thei lo Del Petro hi world no. 4 aṭangin(February 2014) 338-ah a tlahniam a. A hneh zawh tak Sergiy hi world no. 69 a ni.

Samantha Stosur, world no. 4 chuan kuminah inelna pahnihah a tel tawh a, a hlawhchham ve ve. Kum tir khan Brisbane International-ah telin first round-ah American player Varvara Lepchenko a hneh lo a, 2015 Apia International Sydney-ah tel lehin second round-ah Barbora Zahlavova Strycova lakah a tlawm.