Chanmari FC chak hram

Mizoram Premier League Under 17 khelh mekah nimin khan Chanmari FC chuan an khingpui Mizoram Police chu 3-2 in an hneh a, hun tawp dawnah Ṭhasiama'n chakna goal a thun.

RG Stadium, Mualpuia inkhelah hian Chanmari tan Lalsawmzela'n minute 16-ah a thun a, Lalbuatsaiha'n minute 44-ah a khung belh.

Half time-a si hnih phur Mizoram Police an insiam ṭha a, KC Zothanchama'n minute 54-ah a thun a, minute 61-ah Lalhriatpuia'n thun belhin 2-2 a ni. Point an insem dawna a lan tawh hnuah minute 83-naah Ṭhasiama'n Chanmari chakna goal a thun.

Group A-ah Chanmari FC leh Mizoram Police-in point thum an hmu a, Chanmari hian game khat chiah an la khel a, game khat chiah la khel dang Chanmari West FC-in point an la hmu ve lo.

Vawiinah Mualpuiah bawk inkhelh tur a ni a, dar 11:00-ah Reitlang FC leh Aizawl FC an inkhel ang a, dar 2:00-ah Bethlehem Vengthlang FC leh Dinthar FC an inkhel thung ang.