Chelsea-in Ben Chilwell an hnaih

Season thara Champions League khel tur Chelsea chuan Leicester City leftback Ben Chilwell lalut turin indawrna an kalpui zel a, he thuziak i chhiar meuh chuan an lalut fel tawh hial mai thei. 

Kum 23 mi defender hi Blues manager Frank Lampard chuan lakluh tumin rei tak a hel tawh a, July thla khan Foxes manager Brendan Rodgers chuan a player hi zawrh lai a nih loh thu sawi mah se Champions League an khelh dawn tak lohah chuan chelh a harsa ang. 

Foxes academy aṭanga inzir chhuak defender hian a keah hliam nei mek mah se a serious hran lo niin khawthlang media-te chuan an tarlang a, Foxes-a a contract ang chuan King Power Stadium-ah kum 2024 thleng cham turin contract a nei. 

Season khat tawp an bazar loh hnuah Chelsea hian Bayer Leverkusen attacking midfielder Kai Havertz an beisei mek bawk a, RB Leipzig striker Timo Werner leh Ajax winger Hakim Ziyech an lalut tawh thung. 

Chelsea hian season hman zawh takah khan Premier League-ah 12-na dinhmun an luah a, Lampard-a'n a duh ang tak player a lei chhoh zel avangin season tharah chuan pressure a sang sawt ang.