Buai zingah Nunez

Bank of America Stadium-ah inkhel a zo a, hamrik hnuhnung rualin inkhel zo mah se ennawm a la zo lo. Khelmual sirah buaina a chhuakin kut an inthlak, insual buai zingah hian Darwin Nunez pawh a tel.

Buaina chhuak hi camera in an lo la vek mai si, kut inthlak zingah hian Nunez chauh lo pawh player dang an tel niin an sawi. Uruguay captain Jose Maria Gimenez chuan, a player puite chuan an chhungkhatte chhan nan tharum an thawh ve niin a sawi.

South America rama football thuneitu sang CONMEBOL chuan thil thleng chu pawi an tih thu an sawi a, thu chhuah siamin, "Khelmal chhung leh a pawn lam pawh ni se tharum thawhna hian hmun a chang tur a ni lo.

"Buaina a chhuak kha kan dem takzet a, thil thleng kha ngun taka chhui a ni ang a, a mawhphurtu leh thil tisualtu chu hrem a ni ang," an ti a, dan hmanga ro an rel tur thu an sawi a ni.

Nimin tlai thleng kha chuan Liverpool striker Nunez hian thil thleng chungchangah engmah sawi a la nei lo.