Mizo ritchawi chakten medal la

Khelo India Youth Games 2020 neih laiah Mizo ritchawi chak (weightlifter) an che ṭha a, Jacob Vanlaltluanga leh Silvana MH Beihrothatlo te chuan an inelna huangah bronze medal ve ve an la.

Guwahati, Assam-a inelan neihah Jacob-a hi 61kg huangah khelin pathumna a ni; a chungah Assam leh Arunachal mi an awm. Silvana pawh 67kg huangah inlanin medal a hlawh chhuak bawk, ani hian Odisha leh Uttar Pradesh mi a tluk lo thung a ni.

SYS coach Malsawma Khiangte chuan, "Theihtawp kan chhuah a, kan thlen chinah kan lawm. State dangin hma an sawn nasa a, keini lam pawh nasa lehzuala kan ṭan a ngai," tiin Vanglaini a hrilh.