Coutinho-a'n loan-in Vasco da Gama a zawm

Aston Villa midfielder Philippe Coutinho chuan Aston Villa aṭangin loan hmangin Brazilian Serie A club Vasco da Gama a zawm. Liverpool midfielder hlui Coutinho hi Villa-ah beisei a phak loh avangin season liam ta khan loan hmangin Qatar club Al Duhail-ah a lo khel tawh a ni.

Kum 32 mi Coutinho hian kum 2022 khan Barcelona aṭangin Villa hi pound maktaduai 17-in a zawm a, hemi hma hian English club hian loan hmangin thla ruk chhung a khel tawh.

Coutinho hian Liverpool-ah a vanglai hun a hmang a, kum 2018 khan £142m-in Barcelona zawmin beisei a pha lo a, hniam lam a pan bawk. Villa tan loan hmanga thla ruk chhung a khelhin che ṭha viau mah se a ngheta an lak hnuah a che ṭha chhunzawm ta lo.

Season liam ta khan Al Duhail tan match 22 khelh theih aṭangin match 16 a khel a, goal thum khungin a club khelhna hi team 12 awmnaah parukna a nihpui a ni.