Bayern-in Palhinha an lalut

Bayern Munich chuan Fulham aṭangin uero maktaduai 50-in Joao Palhinha an lalut a, a chet ṭhat dan a zirin a man hi a la pung thei ang. Portuguese midfielder Palhinha hian June 2028 thleng daih contract a ziak.

Kum 29 mi Palhinha hian Fulham tan match 79 khelin goal riat a khung a; Euro 2020, FIFA World Cup 2022 leh Euro 2024-ah Portugal squad-ah a tel vek.

Palhinha chuan, "Ka hun tawna ka hlim ber lai a ni. Europe-a club lian ber zinga mi tana ka khel tur hian minti hlim a, ka inchuang em em bawk. Bayern tan ka theihna zawng zawng ka hlan dawn a, nomawi ṭhahnem tak chawipui ka tum ang," tiin a sawi.

Bayern hian season liam ta khan Harry Kane lalut mah se nomawi pakhatmah an chawi lo. Tun season-ah coach atan Vincent Kompany an lalut a, Palhinha an lakluh hma hian Crystaial Palace midfielder Michael Olise an lalut tawh bawk.