Ronaldo a kir maithei

FIFA Ballon d'Or 2014 dawntu Cristiano Ronaldo lar hmaa football khawvela player langsar ber zing ami Brazil legend Ronaldo chuan football khelh leh a hnial loh thu a sawi.

Kum 38-a upa Ronaldo hi North American second division club Fort Lauderdale Strikers neitu zing ami a ni. Nilaini khan press conference-ah inkhel leh tura inlak fit a tum thu a sawi a, a beisei ang fitness a neih theih chuan Fort Lauderdale Strikers tana khelh a tum a ni.

Barcelona leh Real Madrid striker hlui hian kum 2011 khan Brazil club Corinthians tan a khel a, khami hnu khan professional club tan a inziak lut tawh lo.