Wenger chhantu Henry

Thierry Henry chuan a siamtu a hre reng - Arsenal star hlui chuan tun hnaia Arsene Wengersawiseltu Arsenal fans a demna thu a sawi chhuak a, a hriatthiam theih loh thu a sawi.

Arsenal tana goal thun hnem ber Henry hi tun hma chuan winger ṭhin a ni a, Wenger hian striker pangngaiah chher chhuakin khawvela footballer ṭha ber zingah a chhuah. Amah siam liantu leh Arsenal hlawhtlinpuitu an sawisel chu Henry chuan a hrethiam lo a, "An fiamthu mai maiah ka ngai. Thinrim chang chu a awm thei a, hei chu ka hrethiam a; nimahsela Stoke-a thil thleng kha chu thil ṭul lo tawp a ni," a ti.

Thla hmasaa Stoke City khelmual Britannia Stadium-a an chak loh ṭumin Arsenal fans lungawi loin khelmual chhungah Wenger hi an ânkhum a, London pana rela a haw tur pawh na takin an lo auel bawk. Henry chuan, "Lungawi lohna kan neih chuan kan sawi chhuak thiang a; nimahsela a chin tawk a awm tur a ni. Stoke City khelmuaal thil thleng kha chu a lutuk deuh a ni," a ti.

August 17, 1977-a piang Henry hian kum 1999 khan naupang tê niin Arsenal hi a zawm a, Wenger-a hnuaiah game 254 khelin goal 174 zet a thun a, kum 2007 khan Barcelona lam a pan ta a ni.