Mayweather leh Pacquiao a beiseiawm zel:

16th January, 2015

Boxing khawvela mipui hmuh chak chu Floyd Mayweather leh Manny Pacquiao te inhnek a ni a, Pacquiao agent Fred Sternburg sawi danin mipui beiseina hi a tak ram a thlen a rinawm.

Sternburg chuan, "Hma bak chu a la thui a, amaherawhchu boruak a ṭha lam zelin a kal," tiin boxer ropui pahnih te chungchang a sawi.

Pacquiao hi WBO champion lai a ni a, a duhthusam chu Mayweather hmachhawn hi a ni. American boxer Mayweather hi WBC leh WBA champion a ni a, amah hi forbes-in a tarlan danin kum 2014 chhunga infiammite zinga pawisa la lut tam ber a ni.