Milan hmachhawn tur Lazio

Nilaini zan Coppa Italia Round of 16-ah Lazio-in khualmualah Torino 3-1 in an hneh a, quarterfinal-ah AC Milan an hmachhawn ang. Inkhel dangah Parma-in Cagliari 2-1 in an hneh bawk.

Lazio starting eleven-ah kum 19 a upa Keita Balde Diao leh academy chhuak kum 20-a upa Danilo Cataldi bakah veteran player Miroslav Klose te an tel a, heng player-te hian Serie A-ah bul an ṭan ngai meuh lo.

Round of 16 thleng tura Bassano leh Varese te sawptu Lazio-in bul an ṭan ṭha a, Keita hmangin minute 13-naah hma an hruai nghal a. Torino-in penalty shout an nei a, Kamil Glik ball tauh chuan Abdoullay Konko kut fuh mah se penalty pek an ni lo.

Minute 29-naah Keita thawhrah sengin kum 36-a upa Klose-a'n Lazio goal hnihna a khung a, first half-ah 2-0 a ni.

Second half ṭan aṭanga minute lina lekah Torino-in goal an khung a, Josef Martinez-a'n mualneitu tan khungin inkhel a nung sawt. Amaherawhchu minute 57-naah Klose-a'n Torino keeper Daniele Padelli lakah penalty a hlawhchhuak a, Padelli hi hnawhchhuah a ni. Cristian Ledesma a rawn penchhuak a, Lazio goal thumna khungin Rome khaw club hi 3-1 in an chak.

Lazio coach Stefano Pioli chuan, "January hi kan tan chuan a pawimawh ang, season thara European competition kan khelh ngei a ṭul. Position tinah player

ṭha tak tak ka nei hi ka vanneihna a ni a, Torino kan hneh takah chuan karptawpa Napoli nen kan inkhel tur chungchang chauh kan ngaihtuah thei tawh ang," tiin a sawi.

Coppa Italia Last 16

Results & Fixtures

Milan 2 - 1 Sassuolo

Parma 2 - 1 Cagliari

Torino 1 - 3 Lazio

January 15, Ningani Zan

Juventus 1:30 AM Verona

January 20, Thawhlehni Zan

Roma 1:30 AM Empoli

Fiorentina 10:30 PM Atalanta

January 21, Nilaini Zan

Internazionale 1:30 AM Sampdoria

January 22, Ningani Zan

Napoli 1:30 AM Udinese