Messi hralh kan tum chhin lo ang - Enrique

Luis Enrique chuan Barcelona-in an star player Lionel Messi hralh an tum dawn lo a, ngaihtuah pawh an ngaihtuah loh tur thu a sawi.

Messi hi Barca player pawimawh ber ni mah se an manager thar Enrique nen an inhmu thiam lo niin an sawi a, hei hi amah leh Messi chuan pha mah se media lamin an intibuai ngei niin an sawi. He boruak avang hian club hausa Manchester City leh Chelsea lamah Messi hi a kal mai thei tih report a awm a, Barca boss chuan thu dik lo a nih thu a puang.

Enrique chuan, "Messi hi hun rei tak chhung Barca-a awm tur angin kan ngai a, hei hi Barca fans zawng zawngin an duh chu a ni. hralh tumna kan nei lo. Messi tel lohna team neih hi ngaihtuah pawh kan ngaihtuah chhin duh lo," a ti.

Tun hnaiah Messi a chhuak dawn tih thuthang awm chu sawiin, "Hetiang thil mai mai hi chu kan sawi zui lo a, thuthang satliah hi sawi zui vak kan tum ngai lo. Kan dressing room-ah chuan boruak ṭha ber siam kan tum zel a ni," tiin a sawi.