City tan Bony a ṭha dawn - Toure

Yaya Toure chuan Ivory Coast tana a khelhpui Wilfried Bony chu Manchester City-ah a hlawhtlin ngei a rinthu a sawi.

Kum 26-a upa Toure chuan, "Player ṭha tak a ni a, City tan player pawimawh tak a nih ngei ka ring. City tan Premier League-a a khelh hun ka nghakhlel tawh takzet a ni," tiin a sawi.

Ivory Coast hian African Cup atana an inpuahchahna inkhel hnuhnung berah Ningani khan Abu Dhabi-ah Sweden 2-0 in an hneh lo. Africa Cup-ah Equatorial Guinea, Mali leh Cameroon te nen Group D-ah an awm a, January 20 hian Guinea nen an game hmasa ber an khel ang.

Toure chuan, "African player tan chuan African Cup of Nations hi inelna pawimawh tak a ni a, inelna harsa tak a ni bawk dawn a ni. Chutihrualin kan team hi chona hmachhawn turin kan ṭha tawk," tiin a sawi.