Dortmund-in inrintawkna an mamawh - Hummels

German defender Mats Hummels chuan Borussia Dortmund chetṭhat theih nana pawimawh ber chu inrintawkna a nih thu a sawi.

Dortmund captain Hummels chuan, "Season chanve hma lam khan inrintawkna kan nei lo a ni. Mak tak takin goal kan chhuah a, chuvangin kan tum ram kan thleng thei lo. Tunah chuan hmasawn zawnga kal tur chuan inrintawkna nena kan khelh dan anga kan khelh a ṭul a ni," tiin a sawi.

Jurgen Klopp leh hote hi La Manga, Spain-a training camp-ah season chawhnu lam khel turin an inpuahchah mek.

Bundesliga-ah season tira champion tura rinkai Borussia Dortmund-in mipui beisei an pha lo hle a, vawi 17 khelhah point 15 hmuin kum 2014 an khar.

German league sang bera champion rinkai hian a hniam bera awm Freiburg nen an point hmuh zat a inang.