Tuipuiral Annual Sports khar

17th January, 2015

Mizorama infiamna kalpui zinga upa ber pawl, Tuipuiral Annual Sports Meet vawi 42-na chu nimin khan Farkawnah an zo ta a, football-ah Farkawn an champion a, volleyball-ah Vaphai an champion.

Nimina football final-ah Farkawn hian Samthang chu 5-1 a hnehin a zawna a vawi thumna atan an champion a, anni hi Tuipuirala vawi riat champion thei hmasa ber an ni. He intihsiakah hian goal kua khungtu Lalruatpuia chu top scorer a ni a, best player chu Lalnunfela niin best goalkeeper chu Lalliansanga a ni a, Farkawn vek an ni.

Champion hian se chal bakah Rs 10,000, medal leh dekchi an dawng. Nakkum Tuipuiral Sports hi Bungzungin an thleng ang.