Roma-in hun ṭha bawh pelh

Inrinni zanah Palermo khelmualah AS Roma an zin a, Roma hi chak se Serie A hmahruaitu Juventus nen an intluk chiah ni mai tur, an chak zo ta si lo a, point hnih an hloh avangin pahnihna an ni chhunzawm zel.

Inrinni zanah hian Roma leh Palermo hi 1-1 in an inhnehtawk a, Roma hian point 41 an hmu a, hmahruaitu leh anni aia game khata khel tlem Juventus-in point 43 an ni.

Juve leh Inter Milan hi hman ni khan an inhnehtawk a, Roma-in Juve nih rual theihna an neih chu chhawr thei loin Roma hian laziao an draw. Tunah Juventus aia ni khata khel hmasa zawkin Juve lam pressure pekna remchang an nei a; nimahsela Palermo nen an inhnehtawk leh ta a ni.

Inrinni Serie A inkhelah hian Paulo Dybala chuan Palermo tan goal hmahruai a thun a, Mattia Destro chuan minute 54-naah a sût a, point khat ve ve an hmu. Nizana inkhel Juve an chak chuan point ngaa fâlin Italy-ah hmahruaitu an ni leh dawn tihna a ni.

Hetihlai hian Inter Milan pawh an chak thei lo a, anni hi 14-na Empoli nen goal awm loin an inhnehtawk. Inrinni inkhelh zawhah Inter hi pakuana niin point 26 an hmu a, Roberto Mancini enkawlna hnuaiah Serie A-ah game 10 khelin vawi hnih chiah an la chak.