AC Milan-ah Suso

AC Milan chuan Liverpool aṭangin Spanish playmaker Suso chu an lalut ta a, a man zat puanzar a ni lo.

Kum 21 mi player hi Liverpool-in beiseina sang tak nen an lalut a, Liverpool tan vawi 21 khelin goal khat a thun. Anfield team tan hian a khel phak meuh lo a, inkhel pawimawh lo deuhah lo chuan an luhtir mang lo a, Milan lamah a kal ta a ni.

Suso hian Milan-ah kum li leh a chanve khel turin contract a ziak a, Liverpool chuan thuchhuah siamin Suso chu duhsakna an hlan a, Liverpool-a a khelh chhunga a hnathawh avangin lawmthu an sawi.

Filippo Inzaghi enkawl Milan hi Serie A-ah an che ṭha lo hle mai a, tunah hian pariatna an ni mek a ni.