Inrinni La Liga inkhel result

Inrinni zanah La Liga team lian pathum - Real Madrid, Barcelona, Atletico Madrid - an inlan lo. Valencia an inlan a, anni hian an mikhual Almeria hnehin La Liga-a pathumna Atletico hmuh zat chiah an hmu a, game khatin an khel tlem thung a ni.

Valencia 3-2 Almeria

Valencia hian hun tawp dawna Alvaro Negredo goal an chakpui a, Manchester City aṭanga loan-a an hawh mek hian minute 83-naah a tauh lut a, half time-ah 2-2 in an inhnehtawk a ni.

Tun hnaia match ruk chhung hneh loh tawng tawh lo Valencia hi an invawrh sang zel a, tunah chuan Atletico nen an in nihrual ta chiah.

Atletico Madrid hian nizan lam khanb Granada an mikhual a, an chak chuan point 41-ah an kaisang ang a, tuna point 38 hmutu Valencia hi an kalsan thei ang.