A club hmasa ṭanpuitu Pirlo

Italian club ṭha tak ni ṭhin Brescia chu tunlai hian sum leh paiah an tla chhe mek a, he Serie B club khai chhuak tur hian an player hlui Andrea Pirlo chuan pawisa a thawh niin an sawi. Hetihlai hian Brescia hian an player hlui ni bawk Roberto Baggio chu coach-ah hman an tum niin thuthang a awm bawk.

Inter Milan, AC Milan leh Juvensus-a hlawhtling taka khel tawh Pirlo hian Brescia-ah a football nun bul a ṭan a, season khat a khel hman. Season khat lek khel mah se a inzir chhuahna club a ni a, a ngai hlu a, harsatna an tawhlaia puitu nih a inhuam.

Pirlo chuan, "Ka theihna zawng zawngin ka pui a, min siam liantu ka team a tlachhia hi a pawi ka ti khawp mai a, a hrehawm ka ti hle a ni. Tunah hian football-a mi pawimawh tak takte pawh ka kawm tawh a, Brescia puih theih dan hi kan sawiho a, ka theihna sang berin ka bei zel dawn a ni," tiin a sawi.

Brescia hi tunah Serie B-ah 15-na an ni mek.