I League ṭan niah chak zawk leh fans an awm lo!

India rama football league sang ber, I League chu Inrinni khan khelh ṭan a ni ta. Hmun hniha inkhelah chak zawk an awm lo a, I League-ah hian inkhel entu an tlem hle a ni.

Tun season-a I League inkhel hmasa berah Salgalcar leh Pune FC intumin 1-1 in an inhnehtawk a; champion lai Bengaluru FC-in Dempo FC mikhualin goal a lut lo bawk. Nimin khan Shillong derby-ah I League club thar Royal Wahingdoh leh Shillong Lajong inkhelin hetah hi chuan fans an ṭhahnem thung a, East Bengal leh Sporting de Goa an inkhel bawk a, result kan hre hman lo.

Jawaharlal Nehru Stadium, Margao-a inkhelah Pune FC winger Anthony D'Souza chuan half time dawnah goal a thun a, hei hi substitute Gilbert Oliveira chuan minute 80-naah a sût a, mual neitu Salgaocar-in point khat an hmu hram.

Bangalore lamah pawh Bengaluru FC leh Dempo SC-te'n goal an khung lo ve ve a, Bengaluru lamah hian B Beikhokhei leh Lalthuammawia-te starting eleven-ah an lut a ni.