Chawnpui lakah SYS fiahin an awm dawn?

LZ Juice MPL11-ah team thar pali ngawt an awm a, chung zinga pakhat chu playoff aṭanga inpettling SYS FC an ni. Lunglei club hian an match hmasa berah Sihphir Venghlun 3-0 in an hneh nghal a, vawiin chhun dar 12:30 hian Chawnpui FC lakah fiahna hautak zawk an hmachhawn ang.

Chawnpui hi season liam taa Aizawl FC coach B. Malsawmzuala'n a enkawl a, match hmasa berah I League club nen an inhnehtawk. Sawmtea hian result ṭha nei turin player ṭha a nei a, AFC laka goal hmahruai khungtu Lalthanzuala (TZ-a) hming lam hmaih thiang lo.

TZ-a hian MPL match hmasa berah goal a khung nghal a, chutihrualin Lunglei ṭanga hming chher ṭan a nih avangin SYS FC lam chuan an hrechiang khawp ang. Coach Lalmuankima enkawl SYS FC hi kum chawhrualin kum 18 vel lek an ni a, an fitness a ṭhat bakah an awm hona a rei tawh tih hriat a ṭha.

Sihphir Venghlun an hmachhawn ṭumin Ricky H. Vanlalhriatsanga'n goal ṭha bik khung a, penalty aṭangin Mesak C. Lalrinngheta'n khung bawk. Chutihrualin SYS hian hnehna chang turin goalkeeper Joseph Laltluangpuia chet ṭhat an mamawh. Chawnpui lakah keeper Joseph-a a la pawimawh dawn a, hnehna chang turin striker Lalruatsanga goal hmaah a hriam hret a ṭul ang.