I-League-ah Wahingdoh chak nghal

Royal Wahingdoh chuan Pathianni khan a vawi khatna atan I League an khel ta a, an elpui ber Shillong Lajong FC chu Shillong derby-ah 2-1 in an hneh a, point thum nen bul an ṭan.

Lajong lam hi an foreigner-te an la remchan loh avangin Indian player hlangin an khel a, Boithang Haokip chuan goal hmahruai a thun. Hei hi Liberian forward Bekay Bawar chuan a sût a; second half ṭan hnu lawkah Wahingdoh star winger Jackichand Singh-a ball pek chu Seityasen Singh chuan a thun a, team thar hi 2-1 in an chak.