Eto'o a lo lut tep: Sampdoria President

Sampdoria President Massimo Ferrero chuan Everton striker Samuel Eto'o chu an lakluh theih ṭep tawh thu a sawi a, he thu i chhiar hi chuan Sampdoria kawr a ha tawh hial mai thei.

Europe club tha ber pawl Inter Milan leh Barcelona pawha lo khel tawh Eto'o hi Everton chuan kum 2014 August transfer-ah khan Chelsea atangin an lalut a, Roberto Martinez hnuaiah a beisei angin hmun a chang tam lo. Premiere League-ah vawi 14 inlanin goal thum a khung a, heng zinga khelh vawi riatah chiah hian inkhel bul a ṭan ve a ni.

Everton Manager Martinez chuan tun thlasik transfe- ah hian club pahnihin Eto'o an ngaihven thu a lo sawi tawh a, tunah chuan Serie A lam a pan dawn tih a chiang ta. Serie A-a a khelh hmasak ṭum hian Champions League-ah Inter Milan a champion-pui tawh a, tunah erawh a tlahniam tawh hle a ni.

Eto'o hi khawvela footballer hlawh tam ber pawh lo ni tawh a ni a, Everton hian an chhawr duh lo lam ni loin a khelh zat leh a goal thun zatte chu a hlawh nen inphû loin an hria a, player hlawh sang tak kawl reng ai chuan hralhna an hmuh remchana hralh mai an thlang ta a ni.