Thla khat hnuah Modric a lo kir ang : Ancelotti

Real Madrid Coach Carlo Ancelotti chuan a midfielder inhliam Luka Modric chu thla khat hnuah alo kir tur thu a sawi. Ancelotti sawi anga Modric hi a lo kir thei a nih chuan, Champions League second round 1st leg-a German club Schalke 04 an hmachhawn hunah a inlan thei dawn tihna a ni.

Modric hian Euro 2016 qualifier Italy nena an khelh tumin a malpuiah hlim a tuar a, a hliam a inenkawl chhung hian Spanish playmaker Isco chuan a hmunruak alo hnawh khat a, a khel ṭha thei hle. Modric a lo kir leh hunah Ancelotii hian duhthlan tur pahnih an nei dawn tihna a ni a, Madrid fans tan chuan thu lawmawm a ni.

Real Madrid hian Champions League Round of 16 first leg hi Schalke home-ah February 18-ah an khel ang a, March 10-ah Bundesliga team hi an mikhual ve thung ang.

Modric lo kir tur thu hi Ancelotti hian 3-0 a La Liga match a Getafe an hneh zawha press mite a hmachhawn na ah a sawi a; Real hian matches 18 atangin point 45 an hmu tawh a, anmahni hnaih bertu Barcelona chuan point 41 an hmu mek thung.

Ancelotti naute hian nikum kum tawp lam khan Spanish record siamin competition hrang hrangah matches 22 chhung cha kloh nei lvin an kal tluang thei a; nimahsela Atletico Madrid chuan lo tihtawp sakin King's Cup atangin an hnawtchhuak a ni. Hei mai hi nilovin La Liga lamah Valencia lakah 1-2 in an tlawm zui bawk.