Arsenal hneh loh kha malsawmna: Kompany

Manchester City captain Vincent Kom­pany chuan, Pathiannia Premier League-a Arsenal an hneh loh khan team chhungah ṭang lehzual tura infuihna hun ṭha a siam niin a sawi a, Chelsea nena an inhmachhawn leh tur atana chona leh phurna nasa tak siamsaktu niin a sawi.

Pathianni khan Manc City hian an khelmual Etihad Stadium-ah Arsenal lo mikhualin 0-2 in an tlawm a, he result avang hian Premier League title inchuhna kawngah hmahruai mektu Chelsea aiin point ngain an hniam phah a ni.

January ni 31 a Stamford Bridge-a an len hunah tan hian presurre a sang sawt dawn tihna a ni a, hei tak hi Kompany chuan an ṭhatpui zawk a ring a ni.

City defender rinrawl Kompany chuan, " Chak loh hi chuan lawm a har em em, mahse, hetiang dinhmunah hian kan lo ding tawh ṭhin a, kan hnual phah lo ang. Premier League, Champions League leh FA Cup-ahte theihtawp kan chhuah chhunzawm zel dawn a ni'' a ti.