Toronto-ah Giovinco

Tun season tawpah Juventus forward Sebastian Giovinco-a'n Major League Soccer club Toronto a zawm dawn.

Kum 27-a upa Giovinco hi Juventus youth system chhuak a ni a, tun hnaiah club-ah hmun pawimawh a chan phak loh avangin Toronto zawm hi a thlang ta a ni.

A pa len loh avanga 'Atom Ant' hming lem an vuah Giovinco chuan, "Toronto FC chanchin ṭha lam hi ka hre fo a, he club tana ka khel thei tur hi ka lawm hle a ni. Chutihrualin tunah chuan Juventus player ka ni a, tun season chhungin ka theihtawp ka chhuah zui ang," tiin a sawi.

Giovinco hian Juve tan vawi 130 a in lan a, goal 20 a khung tawh a, Italy tan vawi 21 a khel tawh bawk.

Toronto head coach Greg Vanney chuan, "Giovinco hian player ṭha a ni a, goal khung thei player a nih bakah a ṭhiante goal khung tur a siam sak thei bawk," tiin a sawi.