Gerrard chhuak tur pawi titu Wozniacki

Hmeichhe tennis-a world number eight ni pha leh Liverpool ṭantu ruhkawl Caroline Wozniacki chuan Steven Gerrard-a'n Liverpool a chhuahsan tur chu a pawi a tih thu a sawi.

Danish player Woz­niacki hian Thawhlehni khan Australian Open first round-ah American Taylor Townsend chu 7-6, 6-2 in an hneh a. Inkhelh banah Wozniacki chuan, "Kum tam tak chhung Stevie hian club tan tha ṭhahnem tak a thawh a, ka tan chuan legend a ni. A chhuak tur hi pawi ka ti takzet a, chutihrualin amahin a chhuah a hun a tih chuan ka pawm a ṭul a ni," tiin a sawi.

World number one hlui Wozniacki hian 2011 Qatar Open-ah Gerrard-a signature awmna Liverpool kawr chu warm up-naah ha chhuak a, hei hi Liverpool ṭantu dik tak a nih zia nemnghettu pakhat a ni.